Pedagoglarning kasbiy mahorati
Kasbiy kompetentlik
Mutaxassis tomonidan kasbiy vazifalarning samarali yechimini ta’minlashga xizmat qiluvchi bilim, ko‘nikma va malakalarning egallanishi va ularni amaliy faoliyatda yuqori darajada qo‘llay olish layoqatidir. Kasbiy kompetentlik mutaxassis tomonidan har bir mustaqil yo‘nalish bo‘yicha integrativ bilimlar va kompetensiyalarni o‘zlashtirilishini nazarda tutadi.
Metodik kompetentlik
O‘quv-tarbiyaviy jarayonlarini samarali tashkil etishning shakl, metod va vositalarini bilish, o‘zlashtirish, amalda qo‘llash, kasbiy faoliyat natijalarini kvalimetrik tahlil eta olish, ilg‘or pedagogik va xalqaro tajribalarni o‘rganish, o‘quv-tarbiya jarayonini loyihalashtirish, muvaffaqiyatli amalga oshirish metodik ko‘nikmalari bilan tavsiflanadi
Innovatsion kompetentlik
Ta’limdagi innovatsion jarayonlar mohiyatidan xabardorlik, kasbiy faoliyat sohasidagi innovatsiyalarni o‘zlashtirish, amaliyotga faol tatbiq etish, zamonaviy pedagogik, axborot-kommunikatsiya texnologiyalari sohasidagi bilimdonlik, lingvistik tayyorgarlik, muloqotchanlik, jamovay ishlash mahorati va novatorlik faoliyatida ko‘rinadi.
